- عمران خان نے پارٹی ارکان کو مشورہ دیا ہے کہ وہ پی ٹی آئی کے اندر بدعنوانی کے خلاف معاملات کو عوامی سطح پر حل نہ کریں۔
- عمران خان نے 9 مئی کے واقعات سے متعلق الزامات کے خلاف بشریٰ بی بی کا دفاع کرتے ہوئے اسٹیبلشمنٹ کی جانب سے قومی انتشار پیدا کرنے کی مذمت کی
- اسٹیبلشمنٹ کو پیغام دینا چاہتا ہوں کہ وہ ہوش کے ناخن لیں پاکستان تباہی کی طرف جا رہا ہے۔
پاکستان تحریک انصاف (پی ٹی آئی) کے بانی رہنما عمران خان نے 190 ملین پائونڈس کیس کی سماعت کے بعد اڈیالہ جیل میں صحافیوں سے غیر رسمی بات چیت کرتے ہوئے کہا ہے کہ وہ انٹر سروس انٹیلی جنس (آئی ایس آئی) کے سابق سربراہ لیفٹیننٹ جنرل (ر) فیض حمید کی گرفتاری سے خوفزدہ یا گھبرائے ہوئے نہیں ہیں، اگر ڈرتے تو جوڈیشل کمیشن کا مطالبہ نہ کرتے۔
عمران خان نے سابق وزیر اعظم نواز شریف کے الزامات کو تنقید کا نشانہ بناتے ہوئے کہ پی ٹی آئی نے معیشت کو تباہ کر دیا ہے کا جواب دیتے ہوئے پاکستان کے اقتصادی سروے کا حوالہ دیتے ہوئے نشاندہی کی کہ پچھلی حکومت نے 19.5 ارب ڈالر کا خسارہ چھوڑا تھا جس کی وجہ سے پی ٹی آئی کو آئی ایم ایف سے رجوع کرنا پڑا تھا۔
عمران خان نے اسٹیبلشمنٹ کو پیغام دیا کہ ہوش کے ناخن لیں ملک تباہی کی طرف جا رہا ہے۔
لیفٹیننٹ جنرل (ر) فیض حمید کے 9 مئی کی سازش میں ملوث ہونے کے دعووں کو مسترد کرتے ہوئے عمران خان نے کہا کہ نواز شریف کا کہنا ہے کہ سازش ہو ئی تھی، اصل سازش پی ٹی آئی کے خلاف کی گئی تھی، 9 مئی کو ہمارے خلاف سازش ہوئی تھی، انتخابات چھین کر بھی سازش کی گئی، دو بار میرے اوپر قاتلانہ حملہ ہوا وہ بھی ہمارے خلاف سازش ہے۔
انہوں نے دعویٰ کیا کہ دو اہم سازشیں ہوئیں جن میں سے ایک نواز شریف کے کہنے پر جنرل (ر) قمر جاوید باجوہ کی جانب سے لیفٹیننٹ جنرل (ر) فیض حمید کو ہٹایا جانا اور جنرل باجوہ کی دوسری سازش حسین حقانی کو امریکہ میں لابنگ کے لیے بھرتی کرنا ہے۔
عمران خان نے ڈونلڈ لو کے مبینہ طور پر ملوث ہونے اور پی ٹی آئی کی حکومت کو کمزور کرنے کی مبینہ کوششوں پر بھی روشنی ڈالی، عمران خان نے 9 مئی واقعات کی فوری عدالتی تحقیقات کا مطالبہ کرتے ہوئے سی سی ٹی وی فوٹیج جاری کرنے پر زور دیا۔
انہوں نے اسٹیبلشمنٹ پر انکوائری میں رکاوٹ ڈالنے کا الزام عائد کرتے ہوئے دعویٰ کیا کہ اگر مناسب شواہد پر غور کیا جائے تو یہ معاملہ جلد حل ہوسکتا ہے، 8 فروری کو ہونے والے انتخابات کے حوالے سے عمران خان نے حکومت پر پی ٹی آئی کا مینڈیٹ چوری کرنے کا الزام عائد کیا اور مبینہ انتخابی دھاندلی کی تحقیقات کا مطالبہ کیا۔
انہوں نے عدلیہ کے اقدامات بشمول چیف جسٹس کے ریمارکس پر اپنے خدشات کا اظہار کیا جن کے بارے میں ان کا دعویٰ ہے کہ یہ سیاسی محرکات پر مبنی ہیں اور ان کا مقصد چیف جسٹس کا اپنی مدت ملازمت میں توسیع کروانا ہے۔
عمران خان نے 9 مئی کے واقعات سے متعلق الزامات کے خلاف اپنی اہلیہ بشریٰ بی بی کا دفاع کرتے ہوئے اسٹیبلشمنٹ کی جانب سے قومی انتشار پیدا کرنے کی مذمت کی، ان کا کہنا تھا کہ میڈیا اور سوشل میڈیا پر پابندیوں نے ملک کو معاشی طور پر نقصان پہنچایا ہے، انہوں نے پاکستان کے آئی ٹی سیکٹر کا بھارت کی آئی ٹی برآمدات کی کامیابیوں سے موازنہ کرتے ہوئے تنقید کا نشانہ بنایا ہے۔
عمران خان نے نیب، پولیس اور ایف آئی اے جیسے اداروں کو سیاسی فائدے کے لیے جوڑ توڑ کرنے پر بھی تنقید کی اور اسٹیبلشمنٹ سے مطالبہ کیا کہ وہ اپنے اقدامات پر نظر ثانی کرے، خان نے نوٹ کیا کہ پابندیوں کے باوجود ، وہ اب بھی پارٹی رہنماؤں کے ساتھ بات چیت کرسکتے ہیں اور قانونی ذرائع سے پیغام پہنچا سکتے ہیں۔
پارٹی کے اندرونی تنازعات کے معاملے پر عمران خان نے پارٹی ممبران کو مشورہ دیا کہ وہ انسداد بدعنوانی کے مسائل کو غیر ضروری طور پر عام کرنے کے بجائے نامزد کمیٹی کے ذریعے حل کریں، انہوں نے کمیٹی ممبران کی غیر جانبداری کی تعریف کی اور بدعنوانی کے مسائل کو موثر طریقے سے حل کرنے کی اہمیت پر زور دیا۔
