آ گیا وہ شاہکار جس کا تھا انتظار، پشپا 2 کے ٹیزر کی ریلیز کی تاریخ سامنے آگئی

پشپا 2 اپنی ریلیز سے پہلے میگا ٹریلر لانچ کرنے کے لئے تیار ہے ، جس میں اللو ارجن اور رشمیکا مندنا شامل ہیں۔

‘باہوبلی 2’ کے بعد پشپا 2 بھارتی سنیما میں سب سے زیادہ انتظار کی جانے والی فلم کا سیکوئل ہے، جس کے میگا ٹریلر لانچ کی تیاریاں جاری ہیں۔

اللو ارجن پشپا راج کا کردار دوبارہ ادا کریں گے، یہ ایک ایسا کردار ہے جس نے دنیا بھر میں بے پناہ شہرت حاصل کی ہے، اس کردار میں اللو ارجن ایک جنگلی قسم کے کریمنل انسان کا کردار ادا کر رہے ہیں جو کہ پہاڑوں سے قیمتی لکڑی سمگل کر کے مہنگے داموں فروخت کرتا ہے اور اس کام کے لئے ایک سینڈیکیٹ کام کرتا ہے جس کے لیڈر اللو ارجن بن جاتے ہیں۔

توقع ہے کہ میگا ٹریلر لانچ تقریب فلم کی ریلیز سے پہلے 15 نومبر تک ہوگی۔ فلم کی تشہیر کے لئے سپر اسٹار اللو ارجن چھ شہروں میں پروموشنل ٹور شروع کریں گے ، جو نومبر کے وسط میں شروع ہوگا اور 15 دن تک جاری رہے گا۔

یہ دورہ پٹنہ، کوچی، چنئی، بنگلور، ممبئی اور حیدرآباد کا احاطہ کرے گا، جس کا آغاز پٹنہ میں ایک ٹریلر لانچ تقریب سے ہوگا۔

اللو ارجن کے ساتھ اس پروموشنل ٹور کا مقصد ملک بھر میں فلم کے لئے جوش و خروش پیدا کرنا ہے تاکہ ریلیز پر باکس آفس کے ریکارڈ توڑ سکیں۔

واضح رہے کہ پشپا کا سیکوئل 5 دسمبر 2024 کو عالمی سطح پر ریلیز کیا جائے گا جس میں رشمیکا مندنا مرکزی ہیروئن کا کردار ادا کریں گی۔ فلم کا ایک پوسٹر بھی جاری کیا گیا ہے جو سوشل میڈیا پر وائرل ہورہا ہے۔

اس سے قبل رشمیکا مندنا بالی ووڈ فلم اینیمل میں رنبیر کپور کے ساتھ مرکزی ہیروئن کا کردار بھی ادا کر کے اپنی اداکاری کے جوہر دکھا چکی ہیں۔

واضح رہے کہ پشپا کا دوسرا حصہ وہ فلم ہے جس کا دنیا بھر میں انتظار کیا جا رہا ہے۔