تیس سال سے زائد عرصے سے بالی ووڈ پر راج کرنے والے دبنگ ایکشن اور رومانوی ہیرو 58 سالہ سلمان خان نے اپنے اداکاری کے کیریئر کی شروعات میں بالی ووڈ کی معروف حسینہ اداکارہ جوہی چاولہ کو شادی کی پیش کش کرنے کا انکشاف سامنے آیا ہے جبکہ وہ آج بھی کنوارے ہیں۔
یہ راز جوہی نے خود بتایا ہے، انہوں نے بتایا کہ وہ اس وقت اپنے اداکاری کے کیریئر کے شروعاتی دور سے گزر رہی تھیں تو انہوں نے شادی کی بجائے اپنے کیریئر کو فوقیت دیتے ہوئے سلمان خان کی شادی کی آفر کو ٹھکرا دیا۔
Salman Khan’s marriage proposal to Juhi Chawla revealed, Why Juhi Chawla Rejected Salman Khan’s Marriage Proposalجس وقت سلمان خان نے جوہی کو شادی کی آفر کی اس وقت وہ خود بھی کیریئر کے ابتدائی دور میں تھے اور اتنے معروف اداکار نہ تھے، جوہی کے والد نے سلمان سے شادی کی تجویز کی مخالفت کرتے ہوئے موقف اختیار کیا تھا کہ وہ ابھی کیریئر کی شروعات کر رہی ہیں تو اس وقت شادی مناسب نہیں ہو گی۔
جوہی چاولہ نے یہ انکشاف اپنی نجی زندگی پر بات کرتے ہوئے کیا، ان کا کہنا تھا کہ سلمان خان نے جوہی چاولہ کے لئے پہلی پہلی محبت کا اظہار کرتے ہوئے انہیں معصوم دکھنے والی حسینہ قرار دیا تھا جس سے وہ بہت متاثر ہوئی تھیں لیکن اس وقت ان کی تمام تر توجہ اپنے کیریئر پر مرکوز تھی۔
جوہی چاولہ کے مطابق اس وقت وہ سلمان خان کے بارے میں زیادہ نہیں جانتی تھی کیونکہ تب وہ اتنے مقبول نہیں تھے جتنے بعد ہوئے۔
سلمان خان کے معاشقے اور ڈیٹس
سلمان خان نے اپنی کیریئر کے دوران متعدد معاشقے کئے اور کئی نامور حسینائوں کے ساتھ ڈیٹ کرتے رہے، وہ ایک بار اس بات کا اعتراف بھی کر چکے ہیں کہ انہوں نے 6 سے زائد سے حسینائوں کے ساتھ تعلقات قائم کئے لیکن اصل میں یہ تعداد کہیں زیادہ ہے لیکن اتفاق کی بات ہے کہ ان کے ان تمام معاشقوں میں سے کوئی ایک بھی کامیاب نہیں ہو سکا اور تمام کے تمام ناکامی سے دوچار ہوئے جبکہ جوہی چاولہ کے ساتھ محبت کا راز ایک نیا انکشاف تھا جو پہلی بار منظر عام پر آیا ۔
یہ بھی پڑھیں: اپریل کے مہینے میں بننے والی دس شاہکار فلمیں جو آپ ضرور دیکھنا چاہیں گے
سلمان خان نے جن حسینائوں کے ساتھ معاشقے لڑائے ان میں ایشوریہ رائے، کترینہ کیف کے علاوہ اڈوانی فیملی سے تعلق رکھنے والی شاہین جعفری، 1980 کی مس انڈیا سنگیتا بجلانی، پاکستانی حسینہ سومی علی، بنگالی حسینہ فاریہ عالم، بگ باس حسینہ مہک چاہل، رومانیہ کی حسینہ لولیا ونتور، بگ باس حسینہ کلاڈیا سیزلا اور ہالی کی اداکارہ اور حسینہ سمانتھا لاک ووڈ شامل ہیں۔
سلمان خان کی ذاتی زندگی ہمیشہ سے شائقین کی دلچسپی کا مرکز رہی ہے، چونکہ وہ آج بھی کنوارے ہیں تو امید کی جا سکتی ہے کہ شائقین کو ان کے نئے نئے افیئرز کی مزید کہانیاں سننے کو ملتی رہیں گی۔