- شکیل احمد کے مستعفی ہونے کے بعد اختلافات کی افواہیں ختم ہو جانی چاہئیں تھیں
- عمران خان نے پارٹی میں گروپ بندی کے تاثر پر تشویش کا اظہار کیا ہے۔
- بیرسٹر سیف نے عاطف خان اور جنید اکبر کی اڈیالہ طلبی کی تصدیق کردی۔
پشاور، پاکستان تحریک انصاف (پی ٹی آئی) کے چیئرمین عمران خان نے کے پی میں اختلافات کی افواہوں پر عاطف خان اور جنید اکبر کو ملاقات کے لیے اڈیالہ جیل طلب کر لیا ہے۔
وزیراعلیٰ خیبرپختونخوا کے مشیر برائے اطلاعات بیرسٹر محمد علی سیف نے میڈیا سے گفتگو کرتے ہوئے طلبی کی تصدیق کی اور کہا کہ پی ٹی آئی کے بانی نے پارٹی میں گروپ بندی کے تاثر پر تشویش کا اظہار کیا ہے۔
سیف کی تصدیق ایک ایسے وقت میں ہوئی ہے جب سابق حکمران جماعت کو وزیراعلیٰ علی امین گنڈاپور کی زیر قیادت حکومت کی جانب سے مبینہ کرپشن اور خراب گورننس پر خیبر پختونخوا کے وزیر مواصلات و تعمیرات شکیل احمد خان کے استعفے کے بعد اندرونی اختلافات کا سامنا ہے۔
شکیل احمد خان نے اڈیالہ جیل میں خان سے ملاقات کے دوران کے پی کے مختلف محکموں میں خرد برد کی شکایت کی تھی جس کے بعد سابق وزیر اعظم نے کے پی میں اپنی پارٹی کی حکومت کے ارکان کو متنبہ کیا تھا کہ انہیں اپنے محکموں میں بدعنوانی اور گورننس کے معاملات پر جوابدہ ٹھہرایا جائے گا۔
یہ بھی پڑھیں: عمران خان کا 22 اگست کو اسلام آباد میں پی ٹی آئی کا پاور شو کرنے کا فیصلہ
اس کے بعد پارٹی نے کے پی میں بدعنوانی اور گورننس کی نگرانی کے لئے تین رکنی کمیٹی تشکیل دی۔
معاملے سے باخبر ذرائع نے بتایا کہ شکیل نے الزام لگایا کہ وہ صوبے میں بدعنوانی اور خراب گورننس کی وجہ سے اپنے فرائض مناسب طریقے سے انجام دینے سے قاصر ہیں اور الزام عائد کیا کہ وزیراعلیٰ گنڈاپور کی ان کے محکمے میں مداخلت ان کی کارکردگی کو متاثر کر رہی ہے۔
اس کے جواب میں کے پی کے وزیر اعلیٰ نے انکشاف کیا کہ انہوں نے کمیٹی کی سفارش پر شکیل کو ڈی نوٹیفیکیشن دینے کی سمری پر دستخط کیے ہیں۔
دی نیوز کے مطابق اس معاملے نے پارٹی قیادت میں اختلافات پیدا کر دیے ہیں اور عاطف خان اور جنید اکبر نے شکیل خان کی حمایت کی ہے جو بظاہر کے پی حکومت کو پسند نہیں آئی جس پر انہیں وزیراعلیٰ گنڈاپور کے فوکل پرسن کے طور پر ڈی نوٹیفائی کر دیا ہے۔
بیرسٹر سیف نے کہا کہ بانی پی ٹی آئی نے جنید اکبر کا نام احتساب کمیٹی میں شامل کرنے کی ہدایت کی تھی اور بعد میں انہیں ادارے سے ہٹا دیا گیا، ذرائع کا کہنا ہے کہ کے پی حکومت کی جانب سے دونوں کی شکایت کے بعد پی ٹی آئی کے دونوں رہنماؤں کی اگلے ہفتے عمران خان سے ملاقات متوقع ہے۔
قبل ازیں اسلام آباد میں میڈیا سے گفتگو کرتے ہوئے وزیراعلیٰ کے مشیر نے یاد دلایا کہ ‘کچھ لوگوں’ نے عمران خان سے کے پی میں کرپشن کی شکایت کی تھی جس کے بعد سابق وزیراعظم نے گنڈاپور اور دیگر سے ملاقاتیں کیں اور کرپشن کو برداشت نہ کرنے کا پیغام دیا۔
یہ بھی پڑھیں: آخر کار، سائفر کیس سپریم کورٹ آف پاکستان پہنچ گیا، حکومت نے بریت کا فیصلہ چیلنج کر دیا
سیف نے کہا کہ جب میں پی ٹی آئی کے بانی سے ملا تو انہوں نے کہا کہ وہ ایک کمیٹی تشکیل دیں گے جو شکایات پر فیصلے کرے گی، شکیل احمد خان کی برطرفی پر تبصرہ کرتے ہوئے، کے پی حکومت کے ترجمان نے بتایا کہ کمیٹی نے سابق صوبائی وزیر کو ان کے خلاف عائد کی جانے والی شکایات کا قصوروار پایا۔
بیرسٹر سیف کے مطابق شکیل خان نے اپنی برطرفی سے قبل استعفی دیا جس کے بعد یہ معاملہ ختم ہو جانا چاہئے تھا لیکن ایسا تاثر دیا گیا کہ جیسے پارٹی میں اختلافات ہیں، عمران خان نے کہا تھا کہ اگر کسی کو کمیٹی کے فیسلوں پر کوئی اعتراض ہے تو اسے معلوم ہونا چاہءے کہ کمیٹی میں نے تشکیل دی ہے۔
